നിങ്ങളിപ്പറയുന്ന വാർപ്പുമാതൃകകൾ മുഴുവനും ആൺധികാരബോധം ഉണ്ടാക്കിയെടുത്തതാണ്. സ്ത്രീകൾ ഒളിച്ചും പാത്തും സാഹസികത കാണിക്കുന്നതിൽ മിടുക്കരാണ്. ഈ പുരുഷന്മാരിങ്ങനെ അധികാരത്തോടെ, വേണ്ട, പറ്റില്ല, ഗംഗയിപ്പ പോകണ്ട എന്നൊക്കെ പറയുമ്പോൾ ഉടൻ ബുദ്ധിമതികളും നാഗവല്ലികളുമായ സ്ത്രീകൾ മുഴുവൻ ഓരോരോ അടവുകൾ പ്രയോഗിക്കും. ചെലപ്പൊ ഒച്ചയെടുക്കും, ഭീഷണിപ്പെടുത്തും, കെഞ്ചും, കൊഞ്ചും. ആടോ, കാര്യം നടത്തണ്ടെ പിന്നെ. ഇമോഷനൽ ബ്ലാക്ക്മെയിലിങ്ങ് ഒക്കെ നിങ്ങള് തന്ന സമ്മാനമാണ്. ലൈൻ മാറ്റിപ്പിടിച്ച് 'എന്നോടിപ്പോൾ പഴ.പോലെ സ്നേഹമില്ല' എന്ന് പറഞ്ഞാൽ കാര്യം സാധിക്കുമെങ്കിൽ അത്. അല്ലെങ്കിൽ മറ്റൊന്ന്. അപ്പൊ ദേ വരുന്നു സ്റ്റീരിയോടൈപ്. തലയണമന്ത്രം, കൈവിഷം. .. ഈ സ്റ്റീരിയോടൈപ് ഉണ്ടാക്കണേന് മുമ്പ് ഒരു സർവേ എടുക്കണം. സ്ത്രീകളുടെ ആവശ്യങ്ങളോട് പുരുഷാധിപത്യം മറുപടി പറയുന്നതെങ്ങനെ. എന്നട്ട് അതിനെപ്പിടിച്ച് സിനിമേലും കഥേലുമൊക്കെയിട്. അപ്പക്കാണാം.
No comments:
Post a Comment